მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეა
20 აპრილს ქ.რუსთავში, ქვემო ქართლში სახელმწიფო რწმუნებულ-გუბერნატორის ადმინისტრაციაში გაიმართა სამუშაო შეხვედრა, რომელზეც განხილულ იქნა საკითხი გერმანული კულტურული მემკვიდრეობის ძეგლების დაცვის შესახებ, აგრეთვე, ქვემო ქართლის ტურისტული პოტენციალი და სოფელ ასურეთის განვითარების გეგმის ფარგლებში დაგეგმილი და მიმდინარე ინფრასტრუქტურული სამუშაოები.
თეთრიწყაროს მუნიციპალიტეტის გამგებლის ბესიკ წიკლაურის განცხადებით, სოფელ ასურეთის (ყოფილ ელიზაბეტტალი) განვითარების გეგმის ფარგლებში, ინფრასტრუქტურული სამუშაოები მაისის ბოლოს დაიწყება და 2017 წლისათვის დასრულდება.
შეხვედრის ფარგლებში შეიქმნა საკოორდინაციო საბჭო, რომელიც დაკომპლექტებული იქნება სამთავრობო და არასამთავრობო უწყებების წარმომადგენლებისაგან და იმუშავებს ქვემო ქართლის რეგიონის ტურისტული პოპულარიზაციის საკითხებზე.
შეხვედრას ესწრებოდნენ: გერმანიის საელჩოს, სამხრეთ კავკასიაში გერმანული კულტურული მემკვიდრეობის დაცვის კავშირის, საქართველოში ევროპის საბჭოს ოფისის, კონრად ადენაუერის ფონდის, კულტურის სამინისტროს, საქართველოს ტურიზმის ეროვნული ადმინისტრაციის, მუნიციპალური განვითარების ფონდისა და ქვემო ქართლის რეგიონში შემავალი მუნიციპალიტეტების ხელმძღვანელი პირები.
