სიახლეების გამოწერა

თეთრიწყაროს მუნიციპალიტეტის გამგეობის ინიციატივით და ა.ა.ი.პ „თეთრიწყაროს მუნიციპალიტეტის კულტურისა და საბიბლიოთეკო დაწესებულების გაერთიანება კულტურის ცენტრის“ ორგანიზებით, 27 დეკემბერს ქ. თეთრიწყაროს ცენტრში, ღია ცის ქვეშ გრანდიოზული წინასაახალწლო კონცერტი გაიმართა. მსმენელთა განწყობაზე იზრუნა ეთნო-ფოლკლორულმა ანსამბლმა „ბანმა“, ღონისძიებაში აგრეთვე მონაწილეობდნენ: ვაჟთა ფოლკლორული ანსამბლი „დიდგორი“, ქორეოგრაფიული ანსამბლი „კოდის წყარო“, ხალხურ საკრავთა ჯგუფები “ლილეო“ , „მთის არწივი“, „სალაღობო“ და „წინწყარო“, მსოფლიო ხალხთა ცეკვის და სამეჯლისო ცეკვის ანსამბლები. კონცერტს უძღვებოდა მსახიობი დავით ბეკოშვილი.
მოსახლეობა დალოცა და დამდეგი შობა–ახალი წელი მიულოცა მანგლისისა და თეთრიწყაროს ეპარქიის მიტროპოლიტმა მეუფე ანანიამ, ღონისძიებას აგრეთვე ესწრებოდნენ: თეთრიწყაროს მაჟორიტარი დეპუტატი გოდერძი ჩანქსელიანი, ქვემო ქართლში სახელმწიფო რწმუნებულ-გუბერნატორის მოადგილე ნუგზარ სალია, თეთრიწყაროს მუნიციპალიტეტის გამგებელი ბესიკ წიკლაური,საკრებულოს თავმჯდომარე გოჩა თედორაძე და ადგილობრივი ხელისუფლების სხვა წარმომადგენლები. საახალწლო ღონისძიება გრანდიოზული ფოიერვერკით დასრულდა.