სიახლეების გამოწერა

ძვირფასო თეთრიწყაროელებო,
გილოცავთ დამდეგ ახალ წელს და შობის დღესასწაულს. თითოეულ ოჯახს ვუსურვებ მშვიდობას, კეთილდღეობას, ჯანმრთელობას, წარმატებას, ულევ სიხარულსა და სიკეთეს.
ახალი წელი ყოველი ადამიანისთვის განსაკუთრებული დღესასწაულია და ჩვენც განსაკუთრებული სიხარულითა და უკეთესი მომავლის იმედით ვეგეგებით მას.
გასულ წელს თეთრიწყაროელები მუნიციპალიტეტში განხორციელებული უამრავი სასიკეთო ცვლილების მომსწრენი გავხდით. წარმატებით დასრულდა მრავალი პროექტი და მრავლის განხორციელება მომავალშიც იგეგმება. ადგილობრივი თვითმმართველობის თითოეული აქტივობა მიმართული იყო მოსახლეობის საჭიროებებზე; გვეამაყება, რომ დაიწყო მეტად მნიშვნელოვანი და მასშტაბური პროექტის - სოფელ ასურეთის რეაბილიტაცია-რეკონსტრუქციის განხორციელება. თეთრიწყაროს მუნიციპალიტეტის ეს ღირშესანიშნავი, ისტორიულ-კულტურული ძეგლებით მდიდარი მხარე მალე შეიძენს სრულიად ახალ საზრისს და ტურისტული თვალსაზრისითაც მეტად მიმზიდველი გახდება.
მომავალში თვითმმართველობის ერთერთ მთავარ საზრუნავს მუნიციპალიტეტში არსებულ დასახლებათა წყალმომარაგება და გზების ინფრასტრუქტურის მოწესრიგება წარმოადგენს. დასახული მიზნების მისაღწევად კი მნიშვნელოვანია თქვენი მხარდაჭერა და თანადგომა. განსაკუთრებით თეთიწყაროელი ახალგაზრდების გვერდში დგომა გვეიმედება. ვხედავთ რა მათ ინტელექტუალურ პოტენციალს, პატრიოტულ შემართებას, გულწრფელ მონდომებას, გვჯერა ერთობით აუცილებლად მივაღწევთ დასახულ მიზნებს.

დაე, 2017 წელი იყოს იმედების და სურვილების ასრულების წელი. ჩვენი ქვეყნისა და ჩვენი ოჯახებისათვის ახალ წელს მოეტანოს მშვიდობა და სტაბილურობა, ხვავი და ბარაქა, ერის სიმრავლე და ერთობა, ჩვენს გულებში დაესდგუროს სითბოსა და სიყვარულს.
ღმერთი იყოს თქვენი და სრულიად საქართველოს შემწე და მფარველი.