სიახლეების გამოწერა

მუნიციპალიტეტის მერმა გიორგი წიკლაურმა ქვემო ქართლში სახელმწიფო რწმუნებულთან გიორგი დოხტურიშვილთან ერთად დღესასწაულზე ლიეტუვას დელეგაციას, ნიდერლანდების სამეფოს საგანგებო და სრულუფლებიან ელჩს საქართველოში მააიკე ვან კოლდამს, სასულიერო პირებს, მუნიციპალიტეტის მერებს და მოწვეულ სტუმრებს უმასპინძლა.

ღონისძიების ფარგლებში სხვადასხვა გასართობი, კულტურული და სპორტული აქტივობები გაიმართა, ღონისძიებაში მონაწილეობა მიიღეს ადგილობრივმა ფოლკლორულმა და ქორეოგრაფიულმა ანსამბლებმა.

მოეწყო საგამოფენო სივრცეები და კუთხეები დამახასიათებელი კულინარიითა და დეკორაციებით.

ქვემო ქართლში სახელმწიფო რწმუნებულმა გიორგი დოხტურიშვილმა და თეთრიწყაროს მუნიციპალიტეტის მერმა გიორგი წიკლაურმა სახალხო დღესასწაული"გარისობა"2022-ის ფარგლებში საპატიო მოქალაქის წოდება მიანიჭეს საქართველოს დამსახურებულ პედაგოგს ლეილა მეხრაძეს, ყველა დროის ერთ-ერთ საუკეთესო ქართველ ფეხბურთელს ალექსანდრე ჩივაძეს და ფილმის "ჩიორა" მთავარი როლის შემსრულებელს, აფხაზეთის ომის ვეტერანს, ალგეთის ეროვნული პარკის დაცვის განყოფილების უფროსს გოჩა აფციაურს.

ასევე დაჯილდოვდნენ სპორტულ აქტივობებში მონაწილე სოფელ ხაიშის საფეხბურთო და სოფელ წინწყაროს ფრენბურთის გამარჯვებული გუნდები.

ღონისძიებას ესწრებოდნენ მანგლისისა და თეთრიწყაროს მიტროპოლიტი მეუფე ანანია ჯაფარიძე,

ბოლნელი მთავარეპისკოპოსი ეფრემი გამრეკელიძე, მარნეულისა და ჰუჯაბის ეპისკოპოსი გიორგი ჯამდელიანი, აგარაკ-წალკის ეპისკოპოსი გრიგოლი კაცია, კურორტების განვითარების სააგენტოს დირექტორი ალექსანდრე ონოფრიშვილი, სამთო მომპოვებელი კომპანია "არემჯი"-ს კორპორაციული დირექტორი კახა მჭედლიშვილი და ადგილობრივი მაცხოვრებლები.