სიახლეების გამოწერა

ქვემო ქართლის სამხარეო ადმინისტრაციაში გაიმართა საკონსულტაციო საბჭოს მორიგი სხდომა.
სხდომის მიმდინარეობისას საბჭოს წევრებმა განიხილეს დღის წესრიგით გათვალისწინებული 5 ძირითადი საკითხი.

რეგიონის მასშტაბით უკვე განხორციელებული კულტურული, სპორტული და საგანმანათლებლო ღონისძიებებისა და სამომავლო გეგმების შესახებ ისაუბრა ადმინისტრაციის აპარატის უფროსის მოადგილემ ლევან ჟვანიამ.
მხარისა და ადგილობრივი მუნიციპალიტეტის ხელმძღვანელი პირების წინაშე მოხსენებით წარდგა აგრეთვე „მერსი ქორფსის“ პროგრამის კოორდინატორი მაია მოსიაშვილი. მან სხდომის წევრებს გააცნო რეგიონში პირუტყვის გადასარეკ ტრასებთან დაკავშირებული პრობლემები.
რეგიონის მოსახლეობის შეშით უზრუნველყოფის საკითხს ეხებოდა ქვემო ქართლში ეროვნული სატყეო სააგენტოს ხელმძღვანელის ეზეკი ინწკირველის ინფორმაცია.
გუბერნატორსა და მუნიციპალიტეტების ხელმძღვანელობას C-ჰეპატიტის ელიმინაციის პროგრამის მიმდინარეობა გააცნო რუსთავის პირველი დიაგნოსტკური ცენტრის დირექტორმა მერი ლოლაძემ.
ზ. ჟვანიას სახელობის სახელმწიფო ადმინისტრირების სკოლის შესახებ სასაუბროდ კი გუბერნატორის ადმინისტრაციას სტუმრობდა საქართველოს პარლამენტის წევრი, ტყიბულის მაჟორიტარი დეპუტატი ელისო ჩაფიძე. საგანმანათლებლო დაწესებულების შესახებ დეტალურად იმსჯელეს ასევე სკოლის ხელმძღვანელმა პირებმა.
აღსანიშნავია, რომ სკოლის სამომავლო გეგმები მიზნად ისახავს საქართველოს ყველა რეგიონის ადგილობრივი თვითმმართველობის, რეგიონული მმართველობის საჯარო მოხელეთა კვალიფიკაციის ამაღლებას. ქვემო ქართლის რეგიონის მოხელეებს სხდომაზევე შესთავაზეს სახელმწიფო ადმინისტრირების სკოლაში სწავლება და კვალიფიკაციის ამაღლება.
საკონსულტაციო საბჭოს სხდომის დასასრულს რეგიონული პროექტების კოორდინირების სამსახურის ხელმძღვანელმა გიორგი ხომერიკმა ქვემო ქართლის მუნიციპალიტეტებში პროექტების მიმდინარეობის პროცესი შეაფასა.