სიახლეების გამოწერა

თეთრიწყაროს მუნიციპალიტეტის სოფელ შავსაყდარში მისასვლელი გზის რეაბილიტაცია მიმდინარეობს. პროექტის ფარგლებში, მოასფალტდება 3,2 კმ-იანი საავტომობილო გზა.

საქართველოს დამოუკიდებლობის დღე 26 მაისს, ქ. თეთრიწყაროში, კულტურისა და დასვენების პარკში, ააიპ თეთრიწყაროს კულტურისა და საბიბლიოთეკო დაწესებულებების გაერთიანება - კულტურის ცენტრის ორგანიზებით, კულტურული და სპორტული ღონისძიებებით აღინიშნა.

25 მაისს, სოფელ ასურეთში მდებარე ე. წ. ,,სხვავას“ საფეხბურთო მოედანზე, ,,მოყვარულთა თასი 2019“ -ის მუნიციპალური თამაშების პირველი ეტაპი გაიმართა, რომელშიც მონაწილეობა მიიღეს ჭივჭავის, ხაიშის, გოლთეთის, კოდის, ირაგის, სამღერეთის, ასურეთის და ორბეთის საფეხბურთო გუნდებმა. შეჯიბრის მეორე ეტაპზე, რომელიც ივნისის თვეში გაიმართება, ასპარეზობას განაგრძობენ წინწყაროს, ხაიშის, გოლთეთის, კოდის და ასურეთის გუნდები.

24 მაისს, თეთრიწყაროს მუნიციპალიტეტის მერმა გიორგი ქორიძემ და მერის მოადგილემ ბერდია ხვისტანმა სამუშაო თათბირი გამართეს ინსპექტირების ორგანოს - კომპანია „ოპტიმალ გრუპ +“-ის და კონტრაქტორი სამშენებლო კომპანიების წარმომადგენლებთან.

24 მაისს, კავკასიის ერთ-ერთ უძველეს ისტორიულ ქალაქს - სამშვილდეს, იტალიელი არქიტექტორები და რესტავრატორები ესტუმრნენ და გაეცნენ სამშვილდის არქეოლოგიური ექსპედიციის კვლევის შედეგებს.

23 მაისს, ა.ა.ი.პ. თეთრიწყაროს სპორტული სკოლის შოტოკან კარატე-დოს ოლიმპიური სახეობის სექციის მოსწავლეებმა, სხვადასხვა კატეგორიის ქამრების მისაღებად, გამოცდები წარმატებით ჩააბარეს.

ქ. თეთრიწყაროში თანამედროვე სტანდარტების შესაბამისი, ახალი სპორტული მოედანი აშენდება.

16 მაისს თეთრიწყაროს მუნიციპალიტეტის მერიაში, “ევროკავშირის წყლის ინიციატივა პლუს აღმოსავლეთის პარტნიორობისთვის" (EUWI+) პროექტის ფარგლებში, „წყლის რესურსების მართვის შესახებ“ საქართველოს კანონის პროექტისა და ხრამი-დებედას მდინარეთა აუზის მართვის გეგმის შუალედური შედეგების განხილვა გაიმართა.

ქ. თეთრიწყაროში, ე.წ. ნამტვრიანის დასახლებაში მდებარე ახლადრეაბილიტირებული სპორტული მოედანი ქვემო ქართლში სახელმწიფო რწმუნებულმა შოთა რეხვიაშვილმა, პირველმა მოადგილემ ზვიად ჭუნაშვილმა და მუნიციპალიტეტის მერმა გიორგი ქორიძემ დაათვალიერეს.

15 მაისს, ქვემო ქართლში სახელმწიფო რწმუნებულმა შოთა რეხვიაშვილმა, პირველმა მოადგილემ ზვიად ჭუნაშვილმა და მუნიციპალიტეტის მერმა გიორგი ქორიძემ თეთრიწყაროს მუნიციპალიტეტში საგზაო ინფრასტრუქტურის მოწესრიგების მიზნით მიმდინარე პროექტები მოინახულეს.

ქ. თეთრიწყაროში აბანოს ქუჩის რეაბილიტაცია დასრულდა. პროექტის ფარგლებში, მოასფალტდა 0.14 კმ სიგრძის საავტომობილო გზა, მოეწყო გვერდულები და ეზოში შესასვლელები.

9 მაისს ქ. თეთრიწყაროში ფაშიზმზე გამარჯვების 74-ე წლისთავი აღინიშნა.

თეთრიწყაროს მუნიციპალიტეტის მერია გილოცავთ გიორგობას!

ქრისტე აღსდგა!

დედამიწის საერთაშორისო დღესთან დაკავშირებით მიმდინარე მსოფლიო კამპანიას „დედამიწა ჩემი სახლია“ თეთრიწყაროს მუნიციპალიტეტის საჯარო სკოლები გარემოსდაცვითი აქციებით შეუერთდნენ.

24 აპრილს, დედამიწის დღესთან დაკავშირებით, თეთრიწყაროს მუნიციპალიტეტის მერიის თანამშრომლებმა და ადგილობრივმა ახალგაზრდებმა ფოთლოვანი ხის ნერგები დარგეს ქ. თეთრიწყაროს მიმდებარედ, გაჩეხილი ტყის მასივის ტერიტორიაზე.

დედამიწის საერთაშორისო დღესთან დაკავშირებით, 24 აპრილს ქ. თეთრიწყაროში ქ. გამწვანების ღონისძიება გაიმართა, რომლის ფარგლებშიც, კულტურისა და დასვენების პარკში ფიჭვის, ცაცხვის და ნეკერჩხლის ნერგები დაირგო.

დედამიწის დღე გამწვანების აქციით აღნიშნეს სოფელ ასურეთში. სკოლის მოსწავლეებმა და პედაგოგებმა, თეთრიწყაროს მუნიციპალიტეტის მერთან გიორგი ქორიძესთან ერთად, მარადმწვანე და ფოთლოვანი ხის ნერგები დარგეს სოფლის ცენტრში მდებარე სკვერში, სკოლისა და საბავშვო ბაღის ტერიტორიაზე. გამწვანების ღონისძიებაში მონაწილეობა მიიღეს აგრეთვე ასურეთის საბავშვო ბაღის აღმზრდელებმა და აღსაზრდელებმა, მერიისა და საკრებულოს წარმომადგენლებმა, შპს „თეთრიწყაროს კეთილმოწყობისა და დასუფთავების სამსახურის თანამშრომლებმა“.

აქციის მიზანი იყო მწვანე საფარის აღდგენის ხელშეწყობა და გარემოს ეკოლოგიური მდგომარეობის გაუმჯობესება.

23 აპრილს ქ. თეთრიწყაროში, ა.ა.ი.პ. თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება - კულტურის ცენტრში, წიგნის საერთაშორისო დღისადმი მიძღვნილი ღონისძიება გაიმართა. 

 სპეციალურად მოეწყობილ სივრცეში წარმოდგენილი იყო წიგნების გამოფენა და სამკითხველო კუთხე. ცენტრში მოსულ სტუმრებს საშუალება ჰქონდათ სასიამოვნო გარემოში გაცნობოდნენ ბიბლიოთეკაში დაცულ წიგნად ფონდს და მიეღოთ ინფორმაცია საბიბლიოთეკო საქმიანობასთან დაკავშირებით. 

ღონისძიებას დაესწრნენ: მერის პირველი მოადგილე მალხაზ სამაშვილი, მერიის თანამშრომლები, სკოლის მოსწავლეები, ბიბლიოთეკაში მომუშავე სპეციალისტები და თემით დაინტერესებული პირები. მათ თეთრიწყაროს ბიბლიოთეკას საჩუქრად წიგნები გადასცეს. 
მალხაზ სამაშვილმა ღონისძიების ორგანიზებისათვის მადლობა გადაუხადა კულტურის ცენტრის დირექტორს ქალბატონ ზამირა ხაჭვანს, მის მოადგილეს ქალბატონ ნელი მაისურაძეს და კულტურის ცენტრის თანამშრომლებს. მალხაზ სამაშვილმა ასევე დაათვალიერა ქ. თეთრიწყაროს ბიბლიოთეკა, სადაც დაცულია 21 ათასამდე წიგნი: როგორც ქართული, ასევე უცხოური მხატვრული ლიტერატურა, საბავშვო და სხვა საინტერესო გამოცემები ხელოვნების სხვადასხვა დარგის მიმართულებით.
თეთრიწყაროს მუნიციპალიტეტში 9 ბიბლიოთეკა ფუნქციონირებს, მათ შორის ერთი ქ. თეთრიწყაროში და 8 სხვადასხვა დასახლებაში. აღსანიშნავია რომ 2019 წელს გაიხსნა ახალი ბიბლიოთეკა სოფელ თონეთში. 
1995 წელს იუნესკოს გადაწყვეტილებით, 23 აპრილი მსოფლიო წიგნის და საავტორო უფლების დაცვის ვრცლად