სიახლეების გამოწერა

 23 აპრილს ქ. თეთრიწყაროში წიგნის საერთაშორისო დღე აღინიშნება.

ა.ა.ი.პ. თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება - კულტურის ცენტრის ორგანიზებით, ქ. თეთრიწყაროს ბიბლიოთეკაში მოეწყობა წიგნების გამოფენა და წარმოდგენილი იქნება სამკითხველო კუთხე. წიგნის ჩუქების მსურველები, სიმბოლურად, ერთმანეთს გადასცემენ საჩუქრად წიგნებს, ასევე სურვილის მიხედვით, ნებისმიერ პირს შეუძლია თეთრიწყაროს ბიბლიოთეკას გადასცეს წიგნები საჩუქრად, ამისთვის სპეციალურად დაიდგმება ცარიელი წიგნების თარო, წარწერით: ,,აჩუქე ბიბლიოთეკას წიგნი“.
ბიბლიოთეკარები განიხილავენ თემას, თუ რა როლი აქვს წიგნს ადამიანის ცხოვრებაში. ყველა მობრძანებულ სტუმარს საშუალება ექნება, წიგნის ჩუქების დღესთან დაკავშირებით, დაწეროს საკუთარი იდეა და დატოვოს სპეციალურ ყუთში.
სტუმრებს ელით სასიამოვნო გარემო და გემოვნებიანი მუსიკა.

თეთრიწყაროს მუნიციპალიტეტის მერია გილოცავთ ბზობას! 

თეთრიწყაროს მუნიციპალიტეტის მერი გიორგი ქორიძე, მერიის ზედამხედველობს სამსახურის თანამშრომლებთან ერთად, ქ. თეთრიწყაროში მარაბდის, გურამიშვილის და აბანოს ქუჩების რეაბილიტაციის სამუშაოებს ადგილზე გაეცნო.
აღნიშნული ქუჩების რეაბილიტაციაზე ნახევარ მილიონ ლარზე მეტი დაიხარჯება.

მიმდინარე წელს, შიდა საავტომობილო გზების მოწესრიგება გათვალისწინებულია ქ. თეთრიწყაროში წმინდა ნინოს (სავარაუდო ღირებულება 185 687 ლარი) და ჭავჭავაძის (სავარაუდო ღირებულება 168 833 ლარი) ქუჩებზეც.

საერთო ჯამში, 2019 წელს ქ. თეთრიწყაროში რეაბილიტაცია ჩაუტარდება 5 ქუჩას და მოასფალტდება 2 კმ-ზე მეტი შიდა საავტომობილო გზა. შედეგად, ადგილობრივი მოსახლეობა და დამსვენებლები ისარგებლებენ უსაფრთხო და კომფორტული გადაადგილების პირობით.

 15 აპრილს, ა.ა.ი.პ თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება-კულტურის ცენტრში, დედაენის დღისადმი მიძღვნილი ღონისძიება გაიმართა.

 ღონისძიებაში მონაწილეობა მიიღეს კულტურის ცენტრთან არსებულმა შემოქმედებითი ჯგუფების მოსწავლეებმა. ბავშვებმა გააცოცხლეს ქართული ანბანი და ჩატარდა ღია გაკვეთილი დედაენის დღის მნიშვნელობის შესახებ.

1978 წლის 14 აპრილის მოვლენებს მიეძღვნა ღონისძიება, რომელიც ა(ა)იპ სახელოვნებო სკოლის ორგანიზებით, თეთრიწყაროს მუნიციპალიტეტის თვითმმართველობის შენობაში გაიმართა. 
სახელოვნებო სკოლის დირექტორმა ზეინაბ აბულაძემ ისაუბრა მოვლენებზე, რომელიც 14 აპრილს წინ უძღოდა და ყურადღება გაამახვილა ქართული ენის დაცვის საქმეში სტუდენტი-ახალგაზრდობის როლზე, თუ როგორ აღუდგა წინ, კონსტიტუციიდან ქართული ენის, როგორც სახელმწიფო ენის სტატუსის ამოღების შესახებ საბჭოთა ხელისუფლების გადაწყვეტილებას. 
ღონისძიებაზე ასევე სიტყვით გამოვიდა 14 აპრილის უშუალო მონაწილე, მერიის თანამშრომელი, მარინე გიგაური.
სახელოვნებო სკოლამ, დედაენის დღესთან დაკავშირებით, წარმოადგინა თემატური გამოფენა. დედაენისადმი მიძღვნილი ლექსები წაიკითხეს სკოლის მოსწავლეებმა: ნიკოლოზ ტიკურიშვილმა და ნიკოლოზ ამურველაშვილმა.
ღონისძიებას ესწრებოდნენ: თეთრიწყაროს მუნიციპალიტეტის საკრებულოს თავმჯდომარე გოჩა თედორაძე, მერის მოადგილეები ბერდია ხვისტანი და ლია ზურებიანი, მერიის, საკრებულოს, სახელოვნებო სკოლის თანამშრომლები და თემით დაინტერესებული პირები.

 ადგილობრივი მოსახლეობისათვის სტანდარტების შესაბამისი, სკოლამდელი აღზრდისა და განათლების თანაბარი ხელმისაწვდომობა თეთრიწყაროს მუნიციპალიტეტის თვითმმართველობის ერთ-ერთ პრიორიტეტს წარმოადგენს. შესაბამისად, მერია გეგმიურად ახორციელებს სკოლამდელი აღზრდის დაწესებულებების ინფრასტრუქტურის მოწესრიგებას.

თეთრიწყაროს მუნიციპალიტეტის მერიის დაკვეთით, საბავშვო ბაღის რეაბილიტაციის სამუშაოები მიმდინარეობს სოფელ ჭივჭავში. პროექტის ფარგლებში შეიცვალა შენობის სახურავი, კარ-ფანჯარა აგრეთვე, გათვალისწინებულია ცენტრალური გათბობის სისტემების მოწყობა, სამზარეულოს, სველი წერტილების და ეზოს მოწესრიგება.

პროექტის განხოციელებაზე 174 888 ლარი დაიხარჯება (ხელშეკრულების მიხედვით). მნიშვნელოვანია, რომ შენობა ადაპტირებული იქნება სპეციალური საჭიროების მქონე ბავშვებისათვის.

2019 წელს ახალი საბავშვო ბაღები აშენდება სოფელ წინწყაროში და სოფელ ფარცხისში (მიმდინარეობს საპროექტო დოკუმენტაციის მომზადება), ხოლო სრული რეაბილიტაცია ჩაუტარდება სოფელ მარაბდის საბავშვო ბაღს (მერიის მიერ გამოცხადებულია ტენდერი სამუშაოებზე NAT190005555). პროექტის სავარაუდო ღირებულება 143`981 ლარს შეადგენს.

თეთრიწყაროს მუნიციპალიტეტის მერიის დაკვეთით, შიდა საავტომობილო გზების მოწესრიგების მიზნით, ქ. თეთრიწყაროში გურამიშვილის (0.51 კმ, ღირებულება 249610 ლარი), მარაბდის (0.46 კმ, ღირებულება 270 000 ლარი) და აბანოს (0.14 კმ, ღირებულება 45 549 ლარი) ქუჩების რეაბილიტაციის სამუშაოები მიმდინარეობს.

მერიის მიერ გამოცხადებულია ტენდერი, ქ. თეთრიწყაროში წმინდა ნინოს (ჩიხებით) და ჭავჭავაძის ქუჩების რეაბილიტაციაზეც.

საერთო ჯამში, 2019 წელს ქ. თეთრიწყაროში მოასფალტდება 2 კმ-ზე მეტი შიდა საავტომობილო გზა. 

9 აპრილს ქ. თეთრიწყაროში, 1989 წლის 9 აპრილის ისტორიულ მოვლენები გაიხსენეს.

ააიპ თეთრიწყაროს კულტურის ცენტრის ორგანიზებით, მერიის მიმდებარე ტერიტორიაზე მცირე წამოდგენა გაიმართა , მოეწყო ფოტო-ვიდეო ჩვენება 9 აპრილს განვითარებული ტრაგიკული მოვლენების და დაღუპული გმირების შესახებ. ასევე გაიმართა ისტორიული მოვლენების ამსახველი გამოფენა. ღონისძიების დასასრულს, სიმღერის ,,ვაჩუქოთ ერთმანეთს ტიტები“ ფონზე, დამსწრე საზოგადოებამ სიმბოლურად, ერთმანეთს ტიტები და სანთლები გადასცეს, დაიხაზა საქართველოს რუკა სანთლებით და სანთლებითვე დაიწერა ,,მადლობა თავისუფლებისთვის“.

ღონისძიებას ესწრებოდნენ:თეთრიწყაროს მუნიციპალიტეტის მერის პირველი მოადგილე მალხაზ სამაშვილი,ადგილობრივი თვითმმართველობის თანამშრომლები, ააიპ კულტურის ცენტრის თანამშრომლები, სკოლის მოსწავლეები, პედაგოგები და მოქალაქეები.