სიახლეების გამოწერა

ქალაქ თეთრიწყაროში თამარ მეფის ქუჩაზე არსებული „ციყვების პარკის“ სარეაბილიტაციო სამუშაოების პროექტით გათვალისწინებულია პარკში არსებული ინფრასტრუქტურის განახლება, დამატებით მოეწყობა სპორტული და საბავშვო ატრაქციონები, გათვალისწინებულია სველი წერტილების, საფეხმავლო ბილიკების, ბორდიურების მოწყობა, არსებული განათების შეცვლა და პარკის ტერიტორიის შემოღობვა.

აღნიშნულ პარკში გაშენებულია უნიკალური მრავალწლოვანი ნარგავები, სუფთა ჰაერი კი განტვირთვის და დასვენებისათვის იდეალურ პირობებს ქმნის. პარკი წარმოადგენს სხვადასხვა კულტურული ღონისძიებების განხორციელების, დამსვენებლების და ახალგაზრდების თავშეყრის ადგილს. 
პარკში არსებული ინფრასტრუქტურა სრულ განახლებას საჭიროებდა, მწყობრიდან გამოსული განათება, ატრაქციონები, დაზიანებულია სკამები, მოუწესრიგებელი ბილიკები, ჩამოშლილი კიბეები - ასე გამოიყურებოდა თეთრიწყაროს კულტურისა და დასვენების პარკი, ხოლო იქ არსებულ მწვანე ნარგავები შინაური ცხოველების მიერ ნადგურდებოდა ვინაიდან პარკის ტერიტორია არ იყო იზოლირებული. 
რეაბილიტაციის შემდგომ, ზაფხულის სეზონზე პარკი განახლებული შეხვდება დამსვენებელს, სადაც ვიზიტორები შეძლებენ დასვენებას და დროის სასიამოვნოდ გატარებას.
2015 წელს მუნიციპალიტეტის გამგეობამ შეიმუშავა რეაბილიტაციის პროექტი, რომლის განხორციელებაც 2016 წლის 18 მაისს დაიწყო, სამუშაოების დასრულება მიმდინარე წლის 17 ივლისს არის გათვალისწინებული, პროექტის ბიუჯეტი ხელშეკრულებით 86019.57 ლარს შეადგენს.