სიახლეების გამოწერა

23 თებერვალს თეთრიწყაროს მუნიციპალიტეტის გამგეობაში შედგა შეხვედრა, რომელსაც ესწრებოდნენ:თეთრიწყაროს მუნიციპალიტეტის გამგებელი ბესიკ წიკლაური, საქართველოს რეგიონული განვითარებისა და ინფრასტრუქტურის სამინისტროს წარმომადგენლები გიორგი ცინცაძე, ნინო გიგუაშვილი, ქვემო ქართლში სახელმწიფო რწმუნებულ - გუბერნატორის ადმინისტრაციის რეგიონული პროექტების კოორდინირების სამსახურის უფროსი გიორგი ხომერიკი, ადგილობრივი ხელისუფლების ხელმძღვანელი პირები და ადმინისტრაციულ ერთეულებში გამგებლის წარმომადგენლები.

შეხვედრის მიზანს წარმოადგენდა 2016 წლის სოფლის მხარდაჭერის პროგრამის შესახებ ინფორმაციის მიწოდება და სიახლეების გაცნობა. გამგებლის წარმომადგენლებმა მიიღეს კონკრეტული რეკომენდაციები პროგრამის განხორცილების პირობებთან დაკავშირებით. საქართველოს მთავრობის 2016 წლის 4თებერვლის N 54 დადგენილების შესაბამისად 2016 წლის სოფლის მხარდაჭერის პროგრამის ფარგლებში სახელმწიფო ბიუჯეტიდან ადგილობრივი თვითმმართველობებისათვის 50 000 000 ლარი გამოიყო, აქედან თეთრიწყაროს მუნიციპალიტეტისთვის განისაზღვრა 705 099 ლარი. საქართველოს რეგიონული განვითარებისა და ინფრასტრუქტურის სამინისტრო თითოეული მუნიციპალიტეტისათვის გამოსაყოფი თანხის გაანგარიშებას ახორციელებს სსიპ სტატისტიკის ეროვნული სამსახურიდან, მოსახლეობის რაოდენობის თაობაზე მიღებული ინფორმაციის საფუძველზე. პროგრამით გამოყოფილი თანხა უნდა მოხმარდეს ადგილობრივი მნიშვნელობის ინფრასტრუქტურული ობიექტების მშენებლობას, რეაბილიტაციას ან კეთილმოწყობას, საერთო სარგებლობის შენობების აღჭურვას ან გრძელვადიანი სარგებლობის ტექნიკის შესყიდვა-აღჭურვას თვითმმართველობის უფლებამოსილების გათვალისწინებით. დასახლებებში განსახორციელებელი პროექტების შესახებ გადაწყვეტილების მიღება ხდება მოსახლეობასთან შეხვედრაზე ან დასახლებათა საერთო კრებაზე, რაც აისახება შესაბამის კრების ოქმში. მოსახლეობასთან შეხვედრის გამართვას ორგანიზებას უწევს ადმინისტრაციულ ერთეულში გამგებლის წარმომადგენელი ან სხვა უფლებამოსილი პირი.