სიახლეების გამოწერა

სოფელ ასურეთში წყალსაცავის რეაბილიტაციის წინასაპროექტო სამუშაოები მიმდინარეობს. ასურეთის წყალსაცავის ძირითადი დანიშნულებაა მდინარე ასურეთისხევის წყალმოვარდნების და წყალდიდობების დროს მდინარის ჩამონადენის წყალსაცავში დარეგულირება (0,95 მლნ. კბმ.) და მიმდებარედ არსებული სასოფლო-სამეურნეო მიწის ფართობების წყალუზრუნველყოფა.
ამჟამად ასურეთის წყალსაცავის წყალსატარი ტრაქტის ნაგებობები და მექანიკური მოწყობილობები სხვადასხვა ხარისხით დაზიანებულია და წყალსაცავი ვერ ასრულებს თავის ძირითად ფუნქციას, ხოლო რაც შეეხება სარწყავ სისტემას, იგი ფაქტიურად აღარ არსებობს. 
ასურეთის წყალსაცავის და სარწყავი სისტემის აღდგენა-რეაბილიტაციის შემდეგ აღდგება წყალსაცავის ფუნქციონირება რაც უზრუნველყოფს მიმდებარედ არსებული სასოფლო-სამეურნეო ნაკვეთების წყალუზრუნველყოფას. 
სამუშაოებს ახორციელებს საქართველოს სოფლის მეურნეობის სამინისტროს შ.პ.ს. „საქართველოს მელიორაცია’’.