სიახლეების გამოწერა

11 ნოემბერს თეთრიწყაროს მუნიციპალიტეტის გამგებელი ბესიკ წიკლაური „სამხრეთ კავკასიის მილსადენის გაფართოების პროექტის (SCPX) და აღნიშნული პროექტის მილსადენის მშენებლობის კონტრაქტორი კომპანიის, ერთობლივი საწარმო საიპემ–აზფენის (Saipem Azfen Joint Venture) სოციალური ჯგუფების წარმომადგენლებს შეხვდა. შეხვედრაზე განხილული იყო პროექტის ფარგლებში მიმდინარე სამუშაოები და ადგილობრივი მოსახლეობის დასაქმების საკითხები. სამხრეთ კავკასიის მილსადენის გაფართოების პროექტის ფარგლებში, ერთობლივი საწარმო საიპემ–აზფენი აწარმოებს მილსადენის მშენებლობას საქართველო–აზერბაიჯნის საზღვრიდან 62 კილომეტრის მანძილზე. მილსადენი სრულდება თეთრიწყაროს მუნიციპალიტეტის სოფელ ხაიშის ტერიტორიაზე, სადაც, ამჟამად მიმდინარეობს მილსადენის ჩადების და დგუშის სადგურის მშენებლობის სამუშაოები. პროექტის ფარგლებში დასაქმებული იყო სოფელ ხაიშის და ქოთიშის ადგილობრივი მოსახლეობა. ამ ტაპზე პროექტი დასკვნით ფაზაშია.