სიახლეების გამოწერა

27 მაისს ქ. თბილისში ევროპის სახლში პროექტის „აქტიური ცხოვრებისათვის“ დასკვნითი ღონისძიება გაიმართა. აღნიშნული პროექტი ევროკავშირის დაფინანსებით და სახალხო უნივერსიტეტთა გერმანული ასოციაციის (DVV International) საქართველოს ოფისის მიერ კოდის სათემო განათლების ცენტრთან პარტნიორობით განხორციელდა.

პროექტის მიზანს წარმოადგენდა ხანდაზმული ადამიანებითვის გარკვეული საზოგადოებრივ-სოციალური სივრცის შექმნა, სადაც ბენეფიციარებს საშუალება ექნებოდათ მოეხდინათ საკუთარი შესაძლებლობების რეალიზება, გაეზიარებინათ გამოცდილებები და ახალგაზრდული ჯგუფების დახმარებით მოეწყოთ სხვადასხვა სოციალური, საგანმანათლებლო, გასართობი აქტივობები, დაუფლებოდნენ კომპიუტერის ცოდნას და სხვადასხვა პროფესიულ კურსებს. ღონისძიებაზე მიწვეული იყო თეთრიწყაროს მუნიციპალიტეტის გამგებელი ბესიკ წიკლაური, DVV internacional-ის რეგიონული დირექტორი მატიას კლინგენბერგი, DVV internacional საქართველოს დირექტორი ლალი სანთელაძე, ევროკავშირის დელეგაციის წარმომადგენელი საქართველოში სტეპენ შტორკი, პროექტის მენეჯერი ქეთი ელიზბარაშვილი, სათემო ორგანიზაციების ხელმძღვანელები და პროექტის ბენეფიციარები. გამგებელმა დამსწრე საზოგადოებას სიტყვით მიმართა, ისაუბრა პროექტის მნიშვნელობაზე და აღნიშნა კოდის სათემო ორგანიზაციის ხელმძღვანელის ქალბატონი მადონა ოქროპირიძის დამსახურება და წვლილი ცენტრის მიერ განხორციელებულ აქტივობებში. პროექტის ბენეფიციარებმა ისაუბრეს იმ სასიკეთო ცვლილებებზე, რომელიც პროექტის შეგეგად მიიღო თითოეულმა მათგანმა და სურვილი გამოთქვეს პროექტის შემდგომი გაგრძელების.