სიახლეების გამოწერა

პროექტი “საქართველოში ეკომიგრანტების საარსებო წყაროების შესაძლებლობების გაძლიერება“

საქველმოქმედო ჰუმანიტარული ცენტრი „აფხაზეთი" შვეიცარიის განვითარების და თანამშრომლობის სააგენტოს (SDC) ფინანსური მხარდაჭერით, საქართველოს სხვადასხვა რეგიონში, მათ შორის ქვემო ქართლშიც, ეკომიგრანტების მხარდამჭერ პროექტს, სახელწოდებით “საქართველოში ეკომიგრანტების საარსებო წყაროების შესაძლებლობების გაძლიერება“ ახორციელებს. პროექტი 50-მდე ახალგანსახლებული ეკომიგრანტი ოჯახის სოციალურ-ეკონომიკური ინტეგრაციის ხელშეწყობასა და საარსებო წყაროების გაძლიერებას ისახავს მიზნად. პროგრამის ფარგლებში ბენეფიციარები 2 000 ლარის ოდენობის მატერიალურ სარგებელს მიიღებენ.
პროექტის მიზნებისა და ამოცანების გაცნობის მიზნით, თეთრიწყაროს მუნიციპალიტეტის გამგეობაში ადგილობრივი ხელისუფლების ხელმძღვანელ პირებსა და ცენტრ „აფხაზეთი"-ს წარმომადგენლებს შორის შედგა საინფორმაციო ხასიათის შეხვედრა. თეთრიწყაროს მუნიციპალიტეტის გამგებელი ბესიკ წიკლაური გაეცნო ახალი პროექტს და ისაუბრა მუნიციპალიტეტში არსებულ ეკონომიკურ პოტენციალზე, ადგილობრივი მოსახლეობის ეთნიკურ და რელიგიურ შემადგენლობაზე, ტრადიციებზე, მოსახლეობის სოციალურ-ეკონომიკურ პრობლემებსა და არსებულ გამოწვევებზე. შეხვედრაზე განხილულ იქნა საკითხი თემში ჩასახლებულ ეკომიგრანტების ინტეგრაციის ხელშეწყობის მიმართულებით განსახორციელებელი ღონისძიებების შესახებ. 
ადგილობრივი ხელისუფლების და ცენტრ “აფხაზეთი“-ს წარმომადგენლები პროექტის ფარგლებში, აქტიურ სამომავლო თანამშრომლობაზე შეთანხმდნენ.