სიახლეების გამოწერა

„მაღალმთიანი რეგიონების განვითარების შესახებ“, საქართველოს კანონით განსაზღვრული სოციალურ-ეკონომიკური და საგადასახადო შეღავათების შესახებ, 18 მარტს თეთრიწყაროს მუნიციპალიტეტის გამგეობაში საინფორმაციო შეხვედრა შედგა.

შეხვედრაზე განხილულ იქნა „მაღალმთიანი რეგიონების განვითარების შესახებ“, საქართველოს კანონით მაღალმთიანის სტატუსის მინიჭების კრიტერიუმები, ფიზიკური პირისათვის მაღალმთიან დასახლებაში მუდმივად მცხოვრები პირის სტატუსის მინიჭების, შეწყვეტის, შეჩერების და აღდგენის წესი და პროცედურები.
შეხვედრას ესწრებოდა საქართველოს რეგიონული განვითარებისა და ინფრასტრუქტურის მინისტრის მოადგილე თენგიზ შერგელაშვილი, თეთრიწყაროს მუნიციპალიტეტის გამგებელი ბესიკ წიკლაური, რეგიონული პროექტების დეპარტამენტის უფროსი გიორგი წაქაძე, ქვემო ქართლში სახელმწიფო რწმუნებულ-გუბერნატორის მოადგილე ნუგზარ სალია და გამგებლის წარმომადგენლები ადმინისტრაციულ ერთეულებში. შეხვედრა გაგრძელდა კითხვა-პასუხის რეჟიმში, მინისტრის მოადგილემ უპასუხა დასმულ შეკითხვებს და გააკეთა განმარტებები. გამგებლის წარმომადგენლებმა მიიღეს ამომწურავი ინფორმაცია მაღალმთიან დასახლებაში მუდმივად მცხოვრები პირისათვის კანონით გათვალისწინებული სოციალური და საგადასახადო შეღავათებით სარგებლობის შესახებ.