სიახლეების გამოწერა

11 ნოემბერს თეთრიწყაროს მუნიციპალიტეტის გამგეობის სააქტო დარბაზში გაიმართა საინფორმაციო შეხვედრა/სემინარი, რომლის მიზანს წარმოადგენდა ტურისტული მომსახურების შესახებ დაინტერესებული პირების ინფორმირება და ტურისტულ სფეროში არსებული ვითარების გაცნობა. შეხვედრას უძღვებოდა საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხარისხის განვითარების სამმართველოს მთავარი სპეციალისტი თორნიკე გაგუა, რომელმაც ისაუბრა თეთრიწაროს ტურისტულ პოტენციალზე, წარმოადგინა პრეზენტაცია ტურიზმის განვითარების ტენდენციების შესახებ და ამომწურავად უპასუხა დამსწრეთა მიერ დასმულ სხვადასხვა საინტერესო შეკითხვებს. შეხვედრას ესწრებოდნენ: სასტუმროს მეპატრონეები, დაინტერესებული პირები და თეთრიწყაროს მუნიციპალიტეტის შესაბამისი სამსახურების თანამშრომლები.